Friday, August 24, 2012

ഖുറാന്‍ കണക്കിലെ വിസ്മയങ്ങള്‍

ഇസ്ലാമിന്‍റെ അന്ത്യ പ്രവാചകന്‍ മുഹമ്മദ്‌ നബി (സ)യിലൂടെ ലോക ജനതയ്ക്ക് അവതരിക്കപെട്ട ദൈവിക മാര്‍ഗ്ഗ ദര്‍ശനമാണ് വിശുദ്ധ ഖുറാന്‍. ഖുരാനിനു മുന്‍പ് അവതരിക്കപെട്ട മറ്റു ദൈവിക ഗ്രന്ഥങ്ങളുടെ ( തോറ, ബൈബിള്‍ ..) തുടര്‍ച്ചയും ദൈവത്തിന്‍റെ അവസാനത്തെ മാര്‍ഗ്ഗ ദര്‍ശനവുമാകുന്നു വിശുദ്ധ കുറാന്‍. 23ഇരുപത്തി മൂന്ന്വര്‍ഷങ്ങളിലായി (ക്രിസ്താബ്ദം 610 -632) നിരക്ഷരനായ പ്രവാചകന്‍ മുഹമ്മദ്‌ നബിയിലൂടെ അവതരിക്കപെട്ട വിശുദ്ധ കുറാന്‍ ആകുന്നു ഇസ്ലാം മത വിശ്വാസികളുടെ മൂല ഗ്രന്ഥവും ആധികാരിക നിയമാവലിയും. 

ഖുറാന്‍ ഒറ്റ ഗ്രന്ഥമായി ആയല്ല അവതരിച്ചത്. പല ഘട്ടങ്ങളില്‍, പല സാഹചര്യങ്ങളിലായി അവതരിക്കപ്പെട്ട വചനങ്ങളുടെ ക്രോഡീകരണമാണ് ഖുറാന്‍..പല സാഹചര്യങ്ങളിലായി  പല വിഷയങ്ങളും ഇട കലര്‍ത്തി പല അദ്ധ്യായങ്ങളിലായി അവതരിക്കപ്പെട്ട ഖുറാനിന്‍റെ ഒരു പ്രത്യേകത അതിലെ പദ വിന്യാസമാണ്. പല ഘട്ടങ്ങളില്‍ ആയി അവതരിച്ച ഗ്രന്ഥം ആയിട്ട് പോലും അതിലെ പദങ്ങള്‍ തമ്മില്‍ കണക്കുകളുടെ കാര്യത്തില്‍ ഒരു വിസ്മയകരമായ ഒരു പൊരുത്തം നില നില്‍ക്കുന്നു. 


ഉദാഹരണത്തിന് ഖുര്‍ആന്‍ ആദ്യന്ത്യം പരിശോധിച്ചാല്‍ ഇഹ ലോകത്തെ (ദുനിയാവ്) 115 പ്രാവശ്യം പരാമര്‍ശിച്ചിട്ടുണ്ട്. തുല്യ തവണ തന്നെ (115) പര ലോകത്തെ കുറിച്ചും പരാമര്‍ശിച്ചിരിക്കുന്നു. പല ഘട്ടങ്ങളിലായി ജീവിതവും മരണവും 145 തവണ വീതവും  മാലാഖമാരെ കുറിച്ച് 88 തവണയും അതേ എണ്ണം (88 തവണ ) തന്നെ പിശാചുകളെ കുറിച്ചും പരാമര്‍ശിച്ചിരിക്കുന്നു.അത് പോലെ തന്നെ സ്ത്രീയും പുരുഷനും 24 തവണ വീതം തുല്യമായി പരാമര്‍ശിച്ചിട്ടുണ്ട്. ഖുറാന്‍ നിരക്ഷരനായ പ്രവാചകന്‍റെ വാമോഴിയായിരുന്നുവെങ്കില്‍  ഈ പൊരുത്തം കാണില്ലായിരുന്നു. മാത്രമല്ല ഖുറാന്‍ കോപ്പിയടിച്ചതാണ് എന്ന് വാദിക്കുന്നവര്‍ക്കും ഇക്കാര്യത്തില്‍ മറുപടി പറയാന്‍ ഒന്നുമില്ല. 


ഖുറാന്‍ അറബി ഭാഷയിലെ നിത്യ വിസ്മയമായി നില നില്‍ക്കുന്നതിനു പിന്നിലെ കാരണങ്ങള്‍ ഇതൊക്കെ തന്നെയാണ്. അത് കൊണ്ട് തന്നെയാണ് തത്തുല്യമായ രചനയ്ക്ക് ഖുറാന്‍ നടത്തിയ വെല്ലുവിളി ഇന്നും പ്രസക്തമായി നില നില്‍ക്കുന്നതും. കൂടുതല്‍ പദങ്ങള്‍ കാണുക:


Al-Dunya (This world) 115 

Al-Akhira (The hereafter) 115 


Al-Mala'ikah (Angles) 88 
Al-Shayateen (Satan) 88 


Al-Hayat (Life) 145 
Al-Maout (Death) 145 


Al-Rajul (Man) 24 
Al-Mar'ha (Women) 24 

Benefi't 50 . 
Corrupt 50 

People 50 
Messengers 50 


Eblees (king of devils) 11 . 
Seek refuge from Eblees 11 

Museebah (calamity) 75 . 
Thanks 75 


Spending (Sadaqah) 73 . 
Satisfaction 73 



Hardship 114
Patience 114 


Al-Shahr Month 12 


ഇത് കൂടാതെ കരയെ കുറിച്ച് സൂചിപ്പിക്കുന്ന Al-bar എന്ന പദം 13 തവണയും കരയെ സൂചിപ്പിക്കുന്ന Al-bahar എന്ന പദം 32 തവണയും പരാമര്‍ശിച്ചിരിക്കുന്നു. കണക്കുകള്‍ നോക്കിയാല്‍ കര ഭാഗം മൂന്നില്‍ ഒന്നും കടല്‍ അതിന്‍റെ മൂന്നിരട്ടിയായും പരാമര്‍ശ്ചിരിക്കുന്നു. ശതമാനം നോക്കിയാല്‍  71.11111111% കടലും 28.88888888%  കടലും പരാമര്‍ശിച്ചിരിക്കുന്നു. ഭൂമി ശാസ്‌ത്രപരമായി നോക്കിയാല്‍ കടലും കരയും തമ്മിലുള്ള അനുപാതം 71.11111111 : 28.88888888 തന്നെയാണ്.


Thursday, August 23, 2012

മുഹമ്മദ്‌ നബിയെ കുറിച്ച് മഹാന്മാരുടെ അഭിപ്രായങ്ങള്‍


പ്രവാചകനെ കുറിച്ച് നമ്മുടെ യുക്തിവാദി സുഹൃത്തുക്കള്‍ വളരെ മോശമായാണ് തങ്ങളുടെ പോസ്റ്റുകളിലും അഭിപ്രായങ്ങളിലും ചിത്രീകരിക്കാറുള്ളത്. തെല്ലുപോലും ബഹുമാനം നല്‍കാതെ വെറും പ്രാകൃതനായും ഏറെ നിന്ദ്യനായും പ്രവാചകനെ ഇവര്‍ അവതരിപ്പിക്കുമ്പോള്‍ ലോകത്ത് ഇന്ന് ജീവിക്കുന്ന നൂറ്റമ്പത് കോടിയിലധികം വരുന്ന പ്രവാചകാനുയായികളുടെ മനസ്സ് നോവുന്നത് ഇവര്‍ക്ക് വിഷയവുമല്ല. അതിലേറെ ദൌര്‍ഭാഗ്യകരമായ വസ്തുത ഇവര്‍ പ്രവാചകനെ കുറിച്ച് ഒന്നും മനസ്സിലാക്കിയിട്ടില്ല എന്നതാണ്. പ്രവാചക നിന്ദ മാത്രം ദിന ചര്യയാക്കിയ ഇവര്‍ ലോകത്തെ ഒട്ടനവധി മഹാന്മാര്‍ പ്രവാചകനെ കുറിച്ച് പഠിക്കുകയും പ്രകീര്‍ത്തിക്കുകയും ചെയ്തത് കാണാതെ പോവുകയാണോ?


ബര്‍ണാഡ്‌ ഷാ അഭിപ്രായപ്പെട്ടത് ആധുനിക ലോകത്ത്  നബിയെ പോലെ ഒരാള്‍ ആണ് നായകത്വം നല്‍കുന്നതെങ്കില്‍ ലോകത്തെ സകലമാന സമസ്യകള്‍ക്കും പരിഹാരം നല്‍കുന്നതില്‍ അദ്ദേഹം വിജയിക്കുകയും ലോകത്ത് സന്തോഷവും   സമാധാനവും കൊണ്ടു വരികയും ചെയ്യുമായിരുന്നു എന്നാണ്. അത്ര മാത്രം അനുകരണീയ മാതൃകയുള്ള പ്രവാചകനെ വെറും ഗോത്ര മനുഷ്യനായും മാനസിക വിഭ്രാന്തിയുള്ളവനായും ചിത്രീകരിക്കുന്നവരുടെ നിലവാര തകര്‍ച്ചയുടെ ആഴം വളരെ വലുതാണ്‌... നമുക്കവരോട് പറയാനുള്ളത് ഇത്ര മാത്രം : 'പഠിക്കുക, സത്യസന്ധത പുലര്‍ത്തുക'


മഹാത്മാഗാന്ധി:


ഇസ്ലാം വാള്‍ കൊണ്ട് പ്രചരിച്ച മതമല്ലെന്നു ഗാന്ധിജി പറയുന്നത് കാണുക:

"...I became more than ever convinced that it was not the sword that won a place for Islam in those days in the scheme of life. It was the ri gid simplicity, the utter self-effacement of the prophet, the scrupulous regard for his pledges, his intense devotion to his friends and followers, his intrepidity, his fearlessness, his absolute trust in God and his own mission. These, and not the sword carried everything before them and surmounted every trouble." (M.K.Gandhi, YOUNG INDIA, 1924)




നെപ്പോളിയന്‍:

മനുഷ്യനെ സന്തോഷത്തിലേക്കു നയിക്കുന്ന  ഖുര്‍ആന്‍ അധ്യാപനങ്ങള്‍ക്കനുസരിച്ചു ഒരു രാഷ്ട്രം സ്ഥാപിക്കല്‍ ആണ് തന്‍റെ ലക്ഷ്യമെന്നു നെപ്പോളിയന്‍ ബോണപ്പാര്‍ട്ട്. 

“I hope the time is not far off when I shall be able to unite all the wise and educated men of all the countries and establish a uniform regime based on the principles of Qur'an which alone are true and which alone can lead men to happiness.”(Nepolean Bonaparte – Quoted in Christian Cherfils BONAPARTE ET ISLAM (PARIS  1914)




എഡ്വാര്‍ഡ് ഗിബ്ബണ്‍, സൈമണ്‍ ഒക്ലേ


ചരിത്രകാരനായ ഇദ്ദേഹം പറയുന്നത് കാണുക.പ്രവാചകനെ കുറിച്ച് ആഴത്തില്‍ പഠിച്ചിട്ടാണ് അദ്ദേഹം അഭിപ്രായം പങ്കു വെച്ചത് എന്ന് വ്യക്തം.

"It is not the propagation but the permanency of his religion that deserves our wonder, the same pure and perfect impression which he engraved at Mecca and Medina is preserved, after the revolutions of twelve centuries by the Indian, the African and the Turkish proselytes of the Koran...The Mahometans have uniformly withstood the temptation of reducing the object of their faith and devotion to a level with the senses and imagination of man. 'I believe in One God and Mahomet the Apostle of God', is the simple and invariable profession of Islam. The intellectual image of the Deity has never been degraded by any visible idol; the honors of the prophet have never transgressed the measure of human virtue, and his living precepts have restrained the gratitude of his disciples within the bounds of reason and religion."(Edward Gibbon and Simon Ocklay  - History of the Saracen Empire, London, 1870, p. 54:)


 ലാമാര്‍ടിന്‍
മനുഷ്യ മഹത്വത്തിന്‍റെ മുഴുവന്‍ അളവ് കോലുകള്‍ കൊണ്ട് വിശകലനം ചെയ്താലും പ്രവാച്ചകനെക്കാള്‍ മഹാനായ ഒരാളെ കണ്ടെടുതുവാന്‍ കഴിയുമോ എന്ന് ചരിത്രകാരനായ ലാമാര്‍തിന്‍

"If greatness of purpose, smallness of means, and astounding results are the three criteria of human genius, who could dare to compare any great man in modern history with Muhammad? The most famous men created arms, laws and empires only. They founded, if anything at all, no more than material powers which often crumbled away before their eyes. This man moved not only armies, legislations, empires, peoples and dynasties, but millions of men in one-third of the then inhabited world; and more than that, he moved the altars, the gods, the religions, the ideas, the beliefs and souls... the forbearance in victory, his ambition, which was entirely devoted to one idea and in no manner striving for an empire; his endless prayers, his mystic conversations with God, his death and his triumph after death; all these attest not to an imposture but to a firm conviction which gave him the power to restore a dogma. This dogma was twofold, the unit of God and the immateriality of God; the former telling what God is, the latter telling what God is not; the one overthrowing false gods with the sword, the other starting an idea with words.
"Philosopher, orator, apostle, legislator, warrior, conqueror of ideas, restorer of rational dogmas, of a cult without images; the founder of twenty terrestrial empires and of one spiritual empire, that is Muhammad. As regards all standards by which human greatness may be measured, we may well ask, is there any man greater than he?"(Lamartine - Histoire de la Turquie, Paris 1854, Vol II, pp. 276-77:)

ബോസ്വര്‍ത്ത് സ്മിത്ത്‌

പ്രവാചകന്‍; നിലയുറപ്പിച്ച  സൈന്യമോ കാവല്‍ക്കാരോ കൊട്ടാരമോ സ്ഥിര വരുമാനമോ ഇല്ലാത്ത സീസര്‍ (സീസര്‍ ചക്രവര്‍ത്തി) ആയിരുന്നുവെന്നും  അതെ സമയം തന്നെ  അദ്ദേഹം അലങ്കാര ചമയങ്ങള്‍ ഇല്ലാത്ത പോപ്പും ആയിരുന്നുവെന്ന് ബോസ്വര്‍ത്ത് സ്മിത്ത്‌.:

"He was Caesar and Pope in one; but he was Pope without Pope's pretensions, Caesar without the legions of Caesar: without a standing army, without a bodyguard, without a palace, without a fixed revenue; if ever any man had the right to say that he ruled by the right divine, it was Mohammed, for he had all the power without its instruments and without its supports."(Rev. Bosworth Smith, Mohammed and Mohammadanism, London 1874, p. 92:)


ആനി ബസന്‍റ്
മഹാനായ പ്രവാചകനെ കുറിച്ച് ആനി ബസന്‍റ്:

"It is impossible for anyone who studies the life and character of the great Prophet of Arabia, who knows how he taught and how he lived, to feel anything but reverence for that mighty Prophet, one of the great messengers of the Supreme. And although in what I put to you I shall say many things which may be familiar to many, yet I myself feel whenever I re-read them, a new way of admiration, a new sense of reverence for that mighty Arabian teacher."(Annie Besant, The Life and Teachings of Muhammad, Madras 1932, p. 4:)

മോണ്ട്ഗോമറി വാട്ട്
ചരിത്രകാരനായ മോണ്ട്ഗോമറി വാട്ട് പറയുന്നത് കാണുക:

"His readiness to undergo persecutions for his beliefs, the high moral character of the men who believed in him and looked up to him as leader, and the greatness of his ultimate achievement – all argue his fundamental integrity. To suppose Muhammad an impostor raises more problems than it solves. Moreover, none of the great figures of history is so poorly appreciated in the West as Muhammad."(Montgomery Watt, Mohammad at Mecca, Oxford 1953, p. 52:)

ജെയിംസ്‌ മിക്നെര്‍

വിഖ്യാതനായ ജെയിംസ്‌ മിക്നെരുടെ ഈ നിരീക്ഷണം സസൂക്ഷ്മമായ പഠനത്തിന് ശേഷമാണ് എന്ന് വ്യക്തം. പ്രവാചക ജീവിതത്തിന്‍റെ സൂക്ഷ്മ തലങ്ങള്‍ വരെ അദ്ദേഹം വിശകലനത്തിന് വിധേയമാക്കിയതായി കാണാം.

"Like almost every major prophet before him, Muhammad fought shy of serving as the transmitter of God's word, sensing his own inadequacy. But the angel commanded 'Read'. So far as we know, Muhammad was unable to read or write, but he began to dictate those inspired words which would soon revolutionize a large segment of the earth: "There is one God."
"In all things Muhammad was profoundly practical. When his beloved son Ibrahim died, an eclipse occurred, and rumors of God's personal condolence quickly arose. Whereupon Muhammad is said to have announced, 'An eclipse is a phenomenon of nature. It is foolish to attribute such things to the death or birth of a human-being.'
"At Muhammad's own death an attempt was made to deify him, but the man who was to become his administrative successor killed the hysteria with one of the noblest speeches in religious history: 'If there are any among you who worshipped Muhammad, he is dead. But if it is God you worshipped, He lives forever.'"(James A. Michener, 'Islam: The Misunderstood Religion' in Reader's Digest (American Edition), May 1955, pp. 68-70:)

മൈക്കല്‍ എച്ച് ഹാര്‍ട്ട്


ലോക ചരിത്രത്തെ സ്വാധീനിച്ച 100 മഹാന്മാരുടെ പട്ടികയില്‍ ഒന്നാം സ്ഥാനത് പ്രവാചകനെ പ്രതിഷ്ടിച്ച് അമേരിക്കക്കാരനായ മൈക്കല്‍ എച്ച് ഹാര്‍ട്ട് പറയുന്നത് കാണുക

"My choice of Muhammad to lead the list of the world's most influential persons may surprise some readers and may be questioned by others, but he was the only man in history who was supremely successful on both the religious and secular level." (Michael H. Hart, The 100: A Ranking of the Most Influential Persons in History, New York: Hart Publishing Company, Inc. 1978, p. 33:)

സരോജിനി നായിഡു



ഇന്ത്യയുടെ വാനമ്പാടിയായ കവയത്രി സരോജിനി നായിഡു  :

“It was the first religion that preached and practiced democracy; for, in the mosque, when the call for prayer is sounded and worshippers are gathered together, the democracy of Islam is embodied five times a day when the peasant and king kneel side by side and proclaim: 'God Alone is Great'... “Sarojini Naidu, the famous Indian poetess says – S. Naidu, Ideals of Islam, Speeches and Writings, Madaras, 1918
തോമസ്‌ കാര്‍ലൈ


തത്വജ്ഞാനിയായ തോമസ്‌ കാര്‍ലൈല്‍ പറയുന്നത് കാണുക:

“how one man single-handedly, could weld warring tribes and Bedouins into a most powerful and civilized nation in less than two decades?”“…The lies (Western slander) which well-meaning zeal has heaped round this man (Muhammed) are disgraceful to ourselves only…How one man single-handedly, could weld warring tribes and wandering Bedouins into a most powerful and civilized nation in less than two decades….A silent great soul, one of that who cannot but be earnest. He was to kindle the world; the world’s Maker had ordered so." Thomas Caryle – Heros and Heros Worship

സ്റാന്‍ലി ലാനേ  പൂള്‍

“He was the most faithful protector of those he protected, the sweetest and most agreeable in conversation. Those who saw him were suddenly filled with reverence; those who came near him loved him; they who described him would say, "I have never seen his like either before or after." He was of great taciturnity, but when he spoke it was with emphasis and deliberation, and no one could forget what he said...”Stanley Lane-Poole – Table Talk of the Prophet
ബര്‍ണാഡ്‌ ഷാ
ആധുനിക ലോകത്തിന്‍റെ സാരഥ്യം ഏറ്റെടുക്കാന്‍ പ്രവാചകനെ പോലെ ഒരാള്‍ക്ക്‌ മാത്രമേ കഴിയൂവെന്നും  അങ്ങനെയോരാള്‍ക്ക് സമകാലിക സമസ്യകള്‍ക്ക് പരിഹാരം കാണുവാനും സമാധാനവും സന്തോഷവും സ്ഥാപിക്കാന്‍ കഴിയുമെന്നും താന്‍ വിശ്വസിക്കുന്നുവെന്ന് വിഖ്യാതനായ ബര്‍ണാഡ്‌ ഷാ.

“I believe if a man like him were to assume the dictatorship of the modern world he would succeed in solving its problems in a way that would bring much needed peace and happiness.
I have studied him - the man and in my opinion is far from being an anti–Christ. He must be called the Savior of Humanity.
I have prophesied about the faith of Mohammad that it would be acceptable the Europe of tomorrow as it is beginning to be acceptable to the Europe of today.”George Bernard Shaw - The Genuine Islam Vol.No.8, 1936.

മുകളില്‍ അഭിപ്രായം പറഞ്ഞവരില്‍ ലോക ചരിത്രം പഠിച്ചവരും ലോകം കണ്ടവരും തത്വഞാനികളും ഉണ്ട്. ലോകത്തിന്‍റെ നായകത്വം ഏറ്റെടുക്കാന്‍ മാത്രം പ്രവാചകന്‍ പ്രാപ്തനാണ് എന്ന് ബര്‍ണാഡ്‌ ഷാ പറയുമ്പോള്‍ കേരളത്തിലെ യുക്തിവാദികളുടെ മലപ്പുറത്തെ ലോകം കാണാത്ത ആചാര്യന്‍ പറയുന്നു പ്രവാചകന്‍ വെറും നിന്ദ്യന്‍ ആണെന്ന്. ഏതു അഭിപ്രായം ഉള്‍ക്കൊള്ളണം എന്ന് വിവേകമുള്ളവര്‍ തീരുമാനിക്കുക. 
നബിയെ കുറിച്ച്  കൃത്യമായി പഠിച്ചു അഭിപ്രായം രേഖപ്പെടുത്തിയ ഈ മഹാന്മാരേക്കാള്‍ നിങ്ങള്‍ക്ക് ബുദ്ധിയും വിവേകവും ഉണ്ടെന്ന് ഞങ്ങള്‍ക്കിതുവരെ ബോധ്യപ്പെട്ടിട്ടില്ല. ഞങ്ങളോട് ക്ഷമിക്കുക. ഇനി നിങ്ങള്‍ പറയുന്ന അതേ വാചകം തന്നെ കടം കൊണ്ട് പറയുകയാണെങ്കില്‍ 'ആറാം നൂറ്റാണ്ടിലെ ഈ മനുഷ്യന്' ഇത്രയധികം മഹാന്മാരെ സ്വാധീനിക്കാനും അത്ഭുതപ്പെടുതാനും കഴിഞ്ഞുവെങ്കില്‍ അദ്ദേഹം തീര്‍ച്ചയായും ഞങ്ങള്‍ക്ക് അനുകരണീയനായ നേതാവാണ്.ചരിത്രകാരനായ ലാമാര്‍ടിന്‍ അഭിപ്രായപ്പെട്ടത് പോലെ മനുഷ്യ മഹത്വത്തിന്റെ മുഴുവന്‍ മാനദണ്ടങ്ങള്‍ എടുത്ത് പരിശോധിച്ചാലും പ്രവാചനേക്കാള്‍ മഹാനായ ഒരാളെ നിങ്ങള്‍ക്ക്  ചൂണ്ടി കാണിച്ചു തരാന്‍ കഴിയുമോ? ഇല്ലെന്ന് ഞങ്ങള്‍ക്കും നിങ്ങള്‍ക്കും ഒരു പോലെ തീര്‍ച്ചയാണ്. അതിനാല്‍ പ്രവാചകനെ സ്നേഹിക്കുന്ന  കോടാനു കോടി അനുയായികളില്‍ ഒരാളായതില്‍ ഞങ്ങള്‍ അഭിമാനിക്കട്ടെ. ഈ അഭിമാനത്തെ കവച്ചു വെക്കാനും നിറം കെടുത്താനും നിങ്ങളുടെ പരിഹാസങ്ങള്‍ക്ക് കരുത്തില്ല എന്ന് കൂടി മനസ്സിലാക്കുക.

Tuesday, August 21, 2012

ബിന്‍ ലാദന്‍ മാതൃകാ പുരുഷനോ?

ആദ്യമേ തന്നെ പറയാം ;ഈ പോസ്റ്റ്‌ ഉസാമ ബിന്‍ ലാദന്‍ എന്ന വ്യക്തിയെ സമഗ്രമായ പഠനത്തിന് വിധേയമാക്കി അദ്ദേഹത്തെ വിലയിരുത്താന്‍ അല്ല.ലഭ്യമായ വിവരങ്ങള്‍ വെച്ച് എന്‍റെ അഭിപ്രായം പറയുകയാണ്‌.. സത്യങ്ങള്‍ മൂടി വെക്കപ്പെടുകയും തങ്ങള്‍ക്കാവശ്യമായ തരത്തില്‍ വാര്‍ത്തകള്‍ സൃഷ്ടിക്കപ്പെടുകയും ചെയ്യുന്ന ഇക്കാലത്ത് ലഭ്യമായ വിവരങ്ങള്‍ വെച്ച് അഭിപ്രായം പറയുക എന്ന നിവൃത്തികേടാണ് സംജാതമായിരിക്കുന്നത്.പോസ്റ്റിലെ വിഷയത്തിലേക്ക് വരാം.

സൗദി പൌരനായി ജനിച്ച ഉസാമ സോവിയറ്റ്‌ യൂണിയന്‍റെ അഫ്ഘാന്‍ അധിനിവേശ സമയത്താണ് ഭീകര വാദത്തിലേക്ക് തിരിയുന്നത്. 1980 കളില്‍ അഫ്ഘാനിലെ സോവിയറ്റ് അധിനിവേശത്തെ ചെറുക്കാന്‍ തന്‍റെ പണവും സഹായവും നല്‍കിയ അദ്ദേഹം അതിനു വേണ്ടി പണം കണ്ടെത്താന്‍ കണ്‍സ്ട്രക്ഷന്‍ ബിസിനസ്സും പാക്കിസ്ഥാനില്‍ തുടങ്ങി. പിന്നീടാണ് വിപുലമായ രീതിയില്‍ ഭീകര വാദി ആയി മാറുന്നത്.അതിനു സഹായവും ആളും അര്‍ത്ഥവും നല്‍കിയതും പിന്നീട് ശത്രുക്കളായി മാറിയ അമേരിക്ക തന്നെയായിരുന്നു. അക്കാര്യം അമേരിക്കയുടെ സ്റ്റേറ്റ് സെക്രട്ടറിയായ ഹിലരി ക്ലിന്റന്‍ തന്നെ ഈയിടെ സമ്മതിച്ച കാര്യമാണ്. 'ഞങ്ങളാണ് അല്‍ ഖയിദയെ സൃഷ്ടിച്ചത് ..' എന്ന ചരിത്ര പ്രസിദ്ധമായ ആ കുറ്റ സമ്മതം ഇവിടെ കാണാം:

അപ്പോള്‍ കാര്യം വളരെ വ്യക്തമാണ്. ചില പ്രത്യേക സാഹചര്യത്തില്‍ ചങ്ങാത്തത്തില്‍ ആയവര്‍ മറ്റൊരു മാറിയ സാഹചര്യത്തില്‍ കൊടിയ ശത്രുക്കള്‍ ആയ കാഴ്ചയാണ് നാം ഇതുവരെ കണ്ടത്. അമേരിക്കയുടെ വഴി തെറിച്ചു പോയ  ജാര സന്തതിയുടെ പിതൃത്വം ഏറ്റെടുക്കേണ്ട ഗതി കേട് ഇസ്ലാമിക സമൂഹത്തിനില്ല. 

ഇനി ലഭ്യമായ അറിവുകള്‍ വെച്ച് വിലയിരുത്തിയാല്‍ പോലും ഉസാമ എന്ന ഭീകരവാദിയുടെ പ്രവര്‍ത്തനങ്ങള്‍ ഇസ്ലാമികമായിരുന്നില്ല എന്ന് മനസ്സിലാക്കാന്‍ പ്രയാസ്സമുണ്ടാവില്ല. മറ്റു പ്രത്യയശാസ്ത്രങ്ങളില്‍ നിന്ന് വിഭിന്നമായി ഇസ്ലാമില്‍ ലക്ഷ്യം മാര്‍ഗ്ഗത്തെ സാധൂകരിക്കില്ല.ലക്ഷ്യവും മാര്‍ഗ്ഗവും ഒരു പോലെ പ്രധാനമാണ് ഇസ്ലാമില്‍.. അധിനിവേശത്തെ ചെറുക്കുക എന്ന ലക്ഷ്യം കൈവരിക്കാന്‍ അല്‍ ഖായിദ പോലുള്ള സംഘടനകള്‍ സ്വീകരിച്ച മാര്‍ഗ്ഗം ഇസ്ലാമിന്‍റെ അധ്യാപനങ്ങള്‍ക്ക് കടക വിരുദ്ധമായിരുന്നു . നിരപരാധികളെ പിടി കൂടുകയും ക്രൂരമായി കൊലപ്പെടുത്തുകയും അത് വീഡിയോയില്‍ ചിത്രീകരിച്ചു സംപ്രേക്ഷണം ചെയ്യുകയും ചാവേര്‍ ആക്രമണങ്ങള്‍ നടത്തുകയും ചെയ്തു കൊണ്ട് ഇസ്ലാമിന് അന്യമായ ഒരു പോരാട്ട രീതിയാണ് അവര്‍ സ്വീകരിച്ചത്. അതോടൊപ്പം പൊതു സമൂഹത്തില്‍ ഇസ്ലാമിന്‍റെ പ്രതിച്ചായക്ക്‌ ഭംഗം വരുത്തുന്ന തരത്തില്‍ അതിനെ ന്യായീകരിക്കുകയും ചെയ്തപ്പോള്‍ അതിന്‍റെ ഗൌരവം കൂടുകയും ചെയ്തു. 

ഇക്കാര്യത്തില്‍ മുസ്ലിം ലോകം തന്നെ പലപ്പോഴും ഫതവകള്‍ ഇറക്കിയതും ഇസ്ലാമിന്‍റെ പക്ഷം വിശദീകരിച്ചതുമാണ്. ISLAMIC COMMISSION OF SPAIN പുറപ്പെടുവിച്ച ഫതവ ഏറെ പ്രസക്തമായിരുന്നു.ആ ഫതവയുടെ ഇംഗ്ലീഷ്, സ്പാനിഷ്‌ കോപ്പികള്‍ കിട്ടാന്‍ ഇവിടെ ക്ലിക്ക് ചെയ്യുക. നിരപരാധികളുടെ ജീവനും സ്വത്തും ഹനിക്കുന്ന പോരാട്ട മാര്‍ഗ്ഗം ഇസ്ലാം വിരുദ്ധമാണ് എന്ന് തെളിവുകള്‍ സഹിതം ഈ ഫത്‌വയില്‍ വിശധീകരിക്കുന്നുണ്ട്. അവയില്‍ ചില കാര്യങ്ങള്‍ ഇപ്രകാരമാണ്:

  • നിരപരാധികളുടെ ജീവനും സ്വത്തും നശിപ്പിക്കുന്ന തീവ്രവാദം ഇസ്ലാം അനുവദിക്കുന്നില്ല.
  • ഇത്തരം ഭീകരാക്രമണങ്ങളുടെ ഇരകളില്‍ അധികവും മുസ്ലിംകള്‍ തന്നെയാണ്. എന്നാല്‍ അതെ സമയം ഈ പോരാട്ടങ്ങള്‍ ഇസ്ലാമികമാണ് എന്ന് അവകാശപ്പെടുകയും ചെയ്യുമ്പോള്‍ ഇസ്ലാമിനെ മറ്റുള്ളവര്‍ ഭയപ്പെടുകയും അത് ഫലത്തില്‍ ശത്രുക്കളുടെ താല്പര്യങ്ങളെ സംരക്ഷിക്കുകയും ചെയ്യുന്നു.
  • ഇസ്ലാമിക സമൂഹത്തിന്‍റെ പിന്തുണ നേടിയെടിക്കാന്‍ ഖുര്‍ആനിക വചനങ്ങളെ ദുരുപയോഗം ചെയ്യുന്നു.ഈ വഞ്ചന ഇസ്ലാമിക സമൂഹം ഒന്നടങ്കം ശക്തിയുക്തം തടയേണ്ടതാണ്.
  • തീവ്ര വാദം നടത്തുന്നവര്‍ ഖുര്‍ആനിക അധ്യാപനങ്ങള്‍ ലംഘിക്കുകയും അത് വഴി ഇസ്ലാമിക വൃത്തത്തില്‍ നിന്ന് വ്യതിചലിക്കുകയും ചെയ്തിരിക്കുന്നു.

ഇത് തന്നെയാണ് ഇസ്ലാമിന്‍റെ ഔദ്യോഗിക നിലപാടും.ഇസ്ലാം എന്ന് കേള്‍ക്കുമ്പോള്‍ മുഖം മൂടിയണിഞ്ഞ ആയുധ ധാരികളുടെ ഭീകര രൂപം മനസ്സില്‍ തെളിയുന്ന തരത്തില്‍ തെറ്റിധാരണ പരത്താന്‍ മാത്രമാണ് ഈ ഭീകര വാദികള്‍ക്ക് കഴിഞ്ഞിട്ടുള്ളത്. ഇസ്ലാമില്‍ പോരാട്ടം അനുവദിക്കപ്പെട്ടത് കടുത്ത നിബന്ധനകള്‍ക്ക് വിധേയമായി മാത്രമാണ്. ഇനി യുദ്ധം അടിചെല്‍പ്പിക്കപ്പെടുന്ന സാഹചര്യത്തില്‍ പോലും ഇസ്ലാമിന് കൃത്യമായ മാര്‍ഗ്ഗ നിര്‍ദേശങ്ങള്‍ ഉണ്ട്. സ്ത്രീകളെയോ കുട്ടികളെയോ വൃദ്ധരെയോ ആക്രമിക്കരുത്, വൃക്ഷങ്ങള്‍ മുറിക്കരുത്,താമസ സ്ഥലങ്ങള്‍ നശിപ്പിക്കരുത്, യുദ്ധത്തില്‍ മുതലുകള്‍ കൊള്ളയടിക്കരുത്  എന്നിങ്ങനെ ശക്തമായ നിര്‍ദേശങ്ങള്‍ ഉണ്ട്. (സഹീഹു മുസ്ലിം 19:4319, സുനന്‍ അബൂ ദാവൂദ്‌ 8:2663). പ്രകൃതിക്ക് പോലും കോട്ടം തട്ടാത്ത തരത്തിലുള്ള പ്രതിരോധമാണ് ഇസ്ലാം അനുവദിക്കുന്നത്. ഏതെങ്കിലും ഭീകരവാദികള്‍ ആള്‍ കൂട്ടത്തിലും കെട്ടിടങ്ങളിലും നിരപരാധികളെ ലക്‌ഷ്യം വെച്ച് നടത്തുന്ന ബോംബു സ്ഫോടനം ഇസ്ലാമികമായ ജിഹാദാണ് എന്ന് അവര്‍ അവകാശപ്പെട്ടാലും  അതിന് ഇസ്ലാമില്‍ പ്രമാണങ്ങളുടെ പിന്തുണയില്ലെന്ന് മാത്രമല്ല  ഇസ്ലാമിന്‍റെ നിര്‍ദേശങ്ങള്‍ അവര്‍ കാറ്റില്‍ പറത്തുകയും ചെയ്തിരിക്കുന്നു. ഇസ്ലാമില്‍ അവര്‍ അതിക്രമാകാരികളാണ്. (ഇക്കാര്യം വ്യക്തമാക്കിയ പോസ്റ്റ്‌ കിട്ടാന്‍ ഇവിടെ ക്ലിക്ക് ചെയ്യുക)

ഇസ്ലാം നിരോധിച്ച മാര്‍ഗ്ഗങ്ങളിലൂടെയാണ് ഇത്തരം പ്രവര്‍ത്തനങ്ങള്‍ക്ക്  പണം കണ്ടെത്തുന്നത് എന്ന് കൂടി മനസ്സിലാവുമ്പോള്‍ ഇക്കാര്യത്തിലെ ഇസ്ലാമികാഭിപ്രായം വളരെ വ്യക്തമാണ്. കള്ളക്കടത്തും ലഹരി മരുന്ന് കടത്തും ജ്വല്ലറി കൊള്ളയടിക്കലും എല്ലാം ഇസ്ലാം വിരോധിച്ച കാര്യങ്ങള്‍ തന്നെ. ലക്ഷ്യവും മാര്‍ഗ്ഗവും ഇസ്ലാമില്‍ ഒരു പോലെ പ്രധാനമാണ് എന്ന് പറയുന്നത് ഇത് കൊണ്ട് കൂടിയാണ്. 

ചുരുക്കി പറഞ്ഞാല്‍ ഉസാമ ബിന്‍ ലാദന്‍ ഒരു മാതൃകാ പുരുഷന്‍ അല്ലെന്നു മാത്രമല്ല ഇസ്ലാമിന്‍റെ അധ്യാപനങ്ങളെ തന്നെ ധിക്കരിച്ചു പോയ ഒരാളായാണ്‌ മനസ്സിലാവുന്നത്. ആരൊക്കെ 'ഷഹീദ് ' എന്ന് വിളിച്ചു മഹത്വവല്‍ക്കരിക്കാന്‍ ശ്രമിച്ചാലും ലഭ്യമായ വിവരങ്ങള്‍ മറിച്ചു ചിന്തിക്കാന്‍ തന്നെയാണ് എന്നെ പ്രേരിപ്പിക്കുന്നത്. അമേരിക്കയുടെ ജാര പുത്രനെ പേറേണ്ട ഗതികേട് ഇസ്ലാമിനില്ല എന്ന് കൂടി ആവര്‍ത്തിക്കട്ടെ!







Wednesday, August 15, 2012

ദൈവത്തെ കണ്ടെത്താം :ചിന്തിക്കുന്നവര്‍ക്ക് ദ്രിഷ്ടാന്തമുണ്ട്

ശാസ്ത്രം ദൈവത്തെ കണ്ടെത്തിയിട്ടില്ല, അത് കൊണ്ട് ഞങ്ങള്‍ വിശ്വസിക്കുന്നില്ല എന്ന് യുക്തിവാദികള്‍ വാദിക്കുന്നു..ശാസ്ത്രം ദൈവത്തെ നിരാകരിചിട്ടുമില്ല, പ്രമുഖരായ ശാസ്ത്രഞ്ഞരില്‍ പലരും ദൈവത്തെ അംഗീകരിക്കുന്നു, അത് കൊണ്ട് നിങ്ങള്‍ക്കെങ്ങനെ ദൈവമില്ലെന്ന് ഉറപ്പിക്കാന്‍ കഴിയുന്നു എന്ന തികച്ചും യുക്തി പൂര്‍വ്വമായ മറു ചോദ്യമെറിഞ്ഞാല്‍ ഇതേ ശാസ്ത്ര വാദികള്‍ക്ക് (?) ഉത്തരവുമില്ല.

ദൈവമുണ്ടെങ്കില്‍ ആ ദൈവം എവിടെയാണ്? ദൈവത്തെ ഞാന്‍ കണ്ടിട്ടില്ല അത് കൊണ്ട് ഞാന്‍ വിശ്വസിക്കില്ല? ദൈവം മറഞ്ഞിരിക്കുന്നതെവിടെയാണ്?..എക്കാലത്തെയും ദൈവ നിഷേധികള്‍ ദൈവത്തെ നിഷേധിക്കാന്‍ ചോദിക്കുന്ന ചോദ്യങ്ങളില്‍ ചിലത് മാത്രമാണിവ. വലിയ കെട്ടിടമുണ്ടാക്കി അതിന്‍റെ മുകളില്‍ കയറി നിന്ന് ഞാന്‍ ദൈവത്തെ ഒന്ന് എത്തി നോക്കട്ടെ എന്ന് പറഞ്ഞു പരിഹസിച്ച ഈജിപ്തിലെ ഫറോവയുടെ യുക്തിയില്‍ കവിഞ്ഞൊന്നും ഇക്കാലത്തെ ദൈവ നിഷേധികളും പ്രയോഗിക്കുന്നില്ല.

ദൈവം നിരീക്ഷണ വിധേയമോ?

അറിയപ്പെട്ടിടത്തോളം ഒബ്സര്‍വബിള്‍ പ്രപഞ്ചം (നമുക്ക് കാണാന്‍ കഴിയുന്ന , അല്ലെങ്കില്‍ വികിരണങ്ങള്‍ ഭൂമിയില്‍ എത്തുന്ന പ്രപഞ്ചം മാത്രം) 93 ബില്ല്യണ്‍ പ്രകാശ വര്‍ഷം വ്യാപ്തിയുള്ളതാണ്. യഥാര്‍ത്ഥ പ്രപഞ്ചം ഒരു പക്ഷെ അതിനേക്കാള്‍ വ്യാപ്തിയുണ്ടാകാം. ഇപ്പോഴും വികസിച്ചു കൊണ്ടിരിക്കുകയും ചെയ്യുന്നു.ഈ പ്രപഞ്ചത്തിലെ അനേകം നക്ഷത്ര സമൂഹങ്ങളില്‍ പെട്ട ഒരു നഷത്ര  സമൂഹത്തില്‍ പെട്ട സൗരയുഥത്തിലെ ഒന്‍പത്ഗ്രഹങ്ങളിലെ  താരതമ്യേന ചെറിയ ഒരു ഗ്രഹമായ ഭൂമിയില്‍ ജീവിക്കുന്ന ജീവികളില്‍ പെട്ടതാണ് മനുഷ്യര്‍...ഭൂമിക്ക് പുറത്തു ഒരു ഗ്രഹത്തില്‍ പോലും മനുഷ്യന്‍റെ നേരിട്ടുള്ള സാനിധ്യമുണ്ടായിട്ടില്ല. ഭൂമിയെക്കാള്‍ വ്യാപ്തിയുള്ള ചൊവ്വയുടെ ഒരു പ്രദേശത്ത് ക്യൂരിയോസിറ്റി എന്ന മനുഷ്യനില്ലാത്ത പേടകം ഇറക്കിയത് പോലും ഏതാനും ദിവസങ്ങള്‍ക്ക് മുന്‍പ് മാത്രമാണ്.മനുഷ്യന്‍ കാലുകുത്തി എന്ന് പറയുന്ന ചന്ദ്രനില്‍ പോലും മനുഷ്യ സാനിധ്യമെത്തിയത് ഏതാനും കിലോ മീറ്ററുകളില്‍ മാത്രമാണ്. ഇക്കാര്യം സൂചിപ്പിച്ചത് മനുഷ്യന്‍ നിരീക്ഷിച്ചു മനസ്സിലാക്കിയ  പ്രപഞ്ചം എത്രയോ ചെറുതാണ് എന്ന് ബോധ്യപ്പെടുത്താനാണ്.നിരീക്ഷിക്കാനുള്ള പ്രപഞ്ചവുമായി ഒത്തു നോക്കിയാല്‍ ഒരംശം പോലും നാം മനസ്സിലാക്കിയിട്ടില്ല. ഇനി മനുഷ്യന് ചെന്നെത്താന്‍ പോലും കഴിയാത്ത അകലത്തില്‍ ഈ പ്രപഞ്ചം വിസ്തൃതമായി കിടക്കുകയും ചെയ്യുന്നു. അതായത് നമ്മുടെ ആയുസ്സില്‍ പോയിട്ട് ഭൂമിയില്‍ മനുഷ്യന്‍ ജീവിക്കുന്ന കാലത്തോളം പ്രപഞ്ചത്തെ മനസ്സിലാക്കാന്‍ നമുക്ക് കഴിയില്ലെന്ന് പറഞ്ഞാല്‍ അത് ശാസ്ത്ര വിരുദ്ധമായ ഒരു അവകാശ വാദമല്ല. പ്രകാശ വേഗതയില്‍ സഞ്ചരിക്കുന്ന ഒരു പേടകം (പ്രകാശ വേഗത കൈവരിക്കാന്‍ കഴിയുമോ?) മനുഷ്യന്‍ സജ്ജമാക്കിയാല്‍ പോലും ഇപ്പോള്‍ കാണുന്ന പ്രപഞ്ചത്തിന്‍റെ ഭൂമിയില്‍ നിന്ന് വിദൂരമായ ഒരു കോണിലേക്കു ചെന്നത്താന്‍ പോലും ബില്ല്യണ്‍ കണക്കിന് പ്രകാശ വര്‍ഷം സഞ്ചരിക്കണം.ദൈവം മറഞ്ഞിരിക്കുകയാണോ എന്ന് പരിഹസിക്കുന്ന ഒരു ദൈവ നിഷേധി മനുഷ്യന്‍റെ ഈ പരിമിതികളെ കുറിച്ച് അബോധവാന്‍ ആയിരിക്കണം.പദാര്‍ത്ഥ ലോകത്തിനു പുറത്ത് നില നില്‍പ്പ് സാധ്യമായ ഒരു ശക്തിയെ കുറിച്ചാണ് നാം ചര്‍ച്ച ചെയ്യുന്നത് എന്നെങ്കിലും ചുരുങ്ങിയത് മനസ്സിലാക്കുക.!

ഒരു ശില്‍പം കണ്ടാല്‍ അതിനു പിന്നില്‍ പ്രവര്‍ത്തിച്ച ശില്‍പ്പിയുടെ കരങ്ങളെ ആര്‍ക്കും മനസ്സിലാകും. ചരിത്രാതീത കാലത്തെ ശില്‍പ്പങ്ങള്‍ കിട്ടിയാല്‍ ഏതൊരു യുക്തിവാദിയും പറയും അത് മനുഷ്യ നിര്‍മ്മിതമാണെന്ന്. അല്ലാതെ മണ്ണിടിച്ചിലിലോ ഉരുള്‍പൊട്ടലിലോ ഉല്‍ക്കാ പതനത്തിലോ ആകസ്മികമായി യാദ്രിശ്ചികമായി രൂപപ്പെട്ടതാണ് എന്ന് ബുദ്ധിയുള്ളവര്‍ വാദിക്കുമെന്ന് കരുതുന്നില്ല. എല്ലാ കാര്യത്തിലും തെളിവ് ചോദിക്കുന്ന യുക്തിവാദിയും ശില്‍പ്പിയെ കാണണം എന്നാലേ വിശ്വസിക്കൂ എന്ന് വാശി പിടിക്കില്ല.ഇവിടെ ശില്‍പ്പിയെ കാണുന്നില്ലെങ്കിലും ഒരു ശില്‍പ്പിയുണ്ടായിരുന്നു എന്ന് ശില്‍പ്പം തെളിയിക്കുന്നു.ശില്‍പ്പിയുടെ തെളിവാകട്ടെ ശില്‍പ്പം തന്നെ. ഈ കുറഞ്ഞ യുക്തി മാത്രം മതി ദൈവത്തെ മനസ്സിലാക്കാന്‍.. .

ഇതേ യുക്തി ഉപയോഗിച്ച് പ്രപഞ്ചത്തിലേക്ക് ഒന്ന് കണ്ണോടിച്ചാല്‍ ഒരു ശില്‍പ്പിയെ കണ്ടെത്താന്‍ പ്രയാസ്സമുണ്ടാവില്ല.ഒരു ശില്‍പ്പിയുടെ കരവിരുത് പിന്നില്‍ പ്രവര്‍ത്തിച്ചിട്ടുണ്ടെന്ന് വിശ്വാസിയും അവിശ്വാസിയും ഒരു പോലെ സമ്മതിക്കുന്ന കേവലം മനുഷ്യ നിര്‍മ്മിതമായ ഒരു നിര്‍ജ്ജീവ ശില്‍പ്പത്തേക്കാള്‍ മഹത്തരവും അന്യൂനവും അത്യല്‍ഭുതകരവുമായ സൃഷ്ടികളാണ് നമുക്ക് ചുറ്റും കാണാന്‍ കഴിയുന്നത്.ഒരു കല്ലില്‍ തീര്‍ത്ത ശില്പ്പത്തിനു പിന്നില്‍ ഒരു ശില്പ്പിയുണ്ടെന്നു വിശ്വസിക്കുന്നതിനെക്കാള്‍ പതിന്മടങ്ങ്‌ കരുത്തോടെ സാമാന്യ യുക്തി ഒരു ദൈവത്തെ അന്ഗീകരിക്കേണ്ടതാണ്. അതിനു പകരം അവയൊക്കെയും രൂപപ്പെട്ടത് തീര്‍ത്തും ആകസ്മികമായോ അല്ലെങ്കില്‍ യാദ്രിചികമായോ ആണ് എന്ന് ചിന്തിക്കുന്നതാണ് യുക്തി വിരുദ്ധവും അശാസ്ത്രീയവും.അതിനു പിന്നില്‍ പ്രവര്‍ത്തിച്ച ശക്തിയെ നാം നേരിട്ട് കണ്ടിട്ടില്ല എന്ന ന്യായം കൊണ്ട് മാത്രം നിഷേധിക്കുന്നത് ഏറ്റവും ചുരുങ്ങിയത് ഇരട്ടത്താപ്പും ആത്മ വഞ്ചനയുമാണ്.

പ്രപഞ്ചത്തില്‍ അനുകൂല സാഹചര്യത്തില്‍ യാദ്രിചികമായി ജീവന്‍ രൂപപ്പെട്ടുവെന്നും കോടാനു കോടി വര്‍ഷങ്ങളിലൂടെ ദിശാ ബോധമില്ലാത്ത പ്രകൃതി നിര്‍ദ്ധാരണത്തിലൂടെയും പരിണാമത്തിലൂടെയും സൂക്ഷ്മ ജീവികള്‍ മുതല്‍ ഭീമാകാരമുള്ള ജന്തു ജാലങ്ങള്‍ വരെ പരിണമിച്ചുണ്ടായി എന്നും വിശ്വസിക്കേണ്ടി വരുന്നതും ഈ ഇരട്ടത്താപ്പ് മൂലമാണ്. വിട്ടു വീഴ്ച ചെയ്യാനാവാത്ത സങ്കീര്‍ണ്ണതകളും പ്രകൃതിയിലെ പാരസ്പര്യവും സന്തുലിതാവസ്ഥയും ഒരു മഹാനായ ശില്‍പ്പിയുടെ കര സ്പര്‍ശത്തിന്‍റെ ഉത്തമോദാഹരണങ്ങളാണ്.പ്രകൃതിയിലെ കണിശമായ കൃത്യതയും സന്തുലനാവസ്ഥയും നമ്മെ ചിന്തിപ്പിക്കേണ്ടതാണ്.

എന്നാല്‍ പ്രകൃതിയില്‍ സന്തുലനാവസ്ഥയില്ലെന്നും ന്യൂനതയുണ്ടെന്നും വാദിക്കുക വഴി ദൈവത്തെ അവിശ്വസിക്കാനുള്ള പഴുതുകള്‍ തേടാനാണ് ഒരു ദൈവ നിഷേധി ശ്രമിക്കുന്നത്.മനുഷ്യന്‍റെ സ്രിഷ്ടിപ്പില്‍ ന്യൂനതയുണ്ടെത്രേ!. ഈ ഭൂമിയില്‍ ജീവിക്കാനുതകുന്ന തരത്തിലാണ് മനുഷ്യന്‍റെ സൃഷ്ടിപ്പ്. ഇതിനേക്കാള്‍ മെച്ചപ്പെട്ട ഒരു പ്രകൃതി മനുഷ്യന് നിര്‍ദേശിക്കാനും ഇവര്‍ക്കാവില്ല. എല്ലാ തലങ്ങളില്‍ നിന്നും ചിന്തിച്ചു നോക്കിയാല്‍ മനുഷ്യന്‍റെ നില നില്‍പ്പിനും സാമൂഹ്യപരമായ ഇടപെടലുകള്‍ക്കും ഉതകുന്ന തരത്തിലാണ് മനുഷ്യന് നല്‍കപ്പെട്ട കഴിവുകള്‍. ...മനുഷ്യന്‍റെ ഇന്ദ്രീയ പരിമിതികളും കഴിവുകളും നമ്മുടെ സാമൂഹ്യ ജീവിതത്തിനു സഹായിക്കുന്ന തരത്തിലാണ്. കാണേണ്ടത് കാണാനും കാണേണ്ടാത്തത് കാണാതിരിക്കാനും കേള്‍ക്കേണ്ടത് കേള്‍ക്കാനും കേള്‍ക്കെണ്ടാത്തത് കേള്‍ക്കാതിരിക്കാനും മണക്കേണ്ടത് മണക്കാനും മണക്കേണ്ടാത്തത് മണക്കാതിരിക്കാനും കഴിയുന്ന തരത്തില്‍ സന്തുലിതമായ ഒരു ഇന്ദ്രീയ പരിധിയാണ് മനുഷ്യന്. ഇതിനേക്കാള്‍ കൂടിയതും കുറഞ്ഞതുമായ ഒരു റേഞ്ചിലായിരുന്നു മനുഷ്യന്‍റെ കഴിവുകള്‍ എങ്കില്‍ നമ്മുടെ ജീവിതം താളം തെറ്റുമായിരുന്നു. ഒരു പക്ഷെ ഇന്ന് നമുക്ക് ആസ്വാദ്യകരമായ പലതും നമുക്ക് വ്യര്‍ജ്ജിക്കേണ്ടി വരുമായിരുന്നു. നമ്മുടെ നഗ്ന നേത്രങ്ങള്‍ക്ക് അല്‍പ്പം കൂടി കാഴ്ച ശക്തി കൂടിയിരുന്നെങ്കില്‍  സൂക്ഷ്മ ജീവികളെ നമുക്ക് കാണാന്‍ കഴിയുമായിരുന്നുവെങ്കില്‍ ഒരാളെയും നാം സ്പര്ശിക്കുമായിരുന്നില്ല. ഒരു പിടി ഭക്ഷണം പോലും കഴിക്കാന്‍ നമുക്ക് കഴിയുമായിരുന്നില്ല. ഘ്രാണശക്തി അല്‍പ്പം കൂടി കൂടിയിരുന്നുവെങ്കില്‍ സ്വസ്ഥമായി മൂക്ക് പൊത്താതെ നമുക്ക് ഇരിക്കാന്‍ ആവുമായിരുന്നില്ല. കേള്‍വി ശക്തി അല്പം കൂടി കൂടിയിരുന്നുവെങ്കില്‍ സുഖകരമായി ഉറങ്ങാന്‍ കഴിയുമായിരുന്നില്ല. പല മൃഗങ്ങളുടെയും ആശയ വിനിമയം മനുഷ്യന് കേള്‍ക്കാന്‍ കഴിയാത്ത തരത്തില്‍ ഉയര്‍ന്ന തരംഗ ദൈര്‍ഘ്യത്തിലാണ്. ഉദ്ദാഹരണത്തിന് ആനകള്‍ തന്നെ. ആനകള്‍ കിലോ മീറ്ററുകള്‍ അകലേക്ക്‌ വരെ  ആശയ വിനിമയം നടത്തുന്നുണ്ടെത്രേ. ചുരുക്കത്തില്‍ മനുഷ്യന്‍റെ ഇന്ദ്രീയ പരിധി മനുഷ്യന്‍റെ നില നില്‍പ്പിനെ സഹായിക്കുന്ന തരത്തില്‍ ഒരു അനുഗ്രഹം തന്നെയാണ്. അത് ന്യൂനതയല്ല. പ്രകൃതിയുടെ സന്തുലിതാവസ്ഥയുടെ ഭാഗമാണ്.

ഭൂമിയുടെ നില നില്‍പ്പും അത്തരം ഒരു സന്തുലിതാവസ്ഥയിലാണ്. സൗരയുഥത്തില്‍ ഭൂമിയുടെ സ്ഥാനം പോലും വളരെ സന്തുലിതമാണ്. ഭൂമിയുടെ ഇപ്പോഴുള്ള ഓര്‍ബിറ്റില്‍ നിന്ന് തെറ്റി സൂര്യനോട് ഒരല്‍പം മാത്രം അടുത്തായിരുന്നു അതിന്‍റെ സ്ഥാനമെങ്കില്‍ ചൂട് കൊണ്ട് ഒരു ജീവി പോലും ഭൂമിയില്‍ കാണുമായിരുന്നില്ല.അതെ സമയം ഒരല്‍പം അകലെയായിരുന്നു സ്ഥാനമെങ്കില്‍ തണുപ്പു കൊണ്ട് ഒരു ജീവി പോലും ജീവിക്കുമായിരുന്നില്ല. സന്തുലിതാവസ്ഥയില്ലേ? ഇല്ലെന്നു പറയുന്നവര്‍ ഇതിനേക്കാള്‍ നല്ല ഒരു ഓര്‍ബിറ്റ് നിര്‍ദേശിക്കാന്‍ തയ്യാറാവുമോ? ഭൂമിയുടെ അന്തരീക്ഷത്തിലെ ഓസോണ്‍ പാളി പ്രകൃതിയുടെ സന്തുലിതാവസ്ഥയുടെ ഭാഗമാണ്. മനുഷ്യന്‍റെ അനിയന്ത്രിതമായ കൈകടത്തല്‍ കാരണം ഈ സന്തുലിതാവസ്ഥ താളം തെറ്റുബോഴാണ് ഇതിനെ കുറിച്ച് നാം കൂടുതല്‍ മനസ്സിലാക്കുന്നത്.

മനുഷ്യന്‍റെ അജ്ഞതയില്‍ അല്ല ദൈവത്തെ കുടിയിരുത്തിയിരിക്കുന്നത്. തുറന്ന ബോധ മനസ്സില്‍ തന്നെയാണ്. അറിവുകള്‍ ദൈവത്തെ നിരാകരിക്കുന്നില്ല.അറിവില്ലായ്മ ദൈവത്തെ അന്ഗീകരിക്കനമെന്നുമില്ല. ആറ്റത്തില്‍ സൂക്ഷം കണങ്ങള്‍ ഉണ്ടെന്ന അറിവ് എങ്ങനെയാണ് ദൈവത്തെ നിഷേധിക്കുന്നത്?ചന്ദ്രനില്‍ ജലം ഉണ്ടെങ്കില്‍ എങ്ങനെയാണ് ദൈവം അപ്രസക്തമാകുന്നത്? ഹിഗ്സ് ബോസോണ്‍ ഉണ്ടെങ്കിലും ഇല്ലെങ്കിലും എങ്ങനെയാണ് ദൈവാസ്ഥിത്വം ചോദ്യം ചെയ്യപ്പെടുന്നത്. ഓരോ പുതിയ അറിവുകളും പ്രകൃതിയില്‍ സൂക്ഷ്മ തലത്തില്‍   സംവിധാനിച്ചു വെച്ചിരിക്കുന്ന അപാരമായ എന്ജിനീയറിംഗ് മികവാണ് ബോധ്യപ്പെടുത്തുന്നത്. ആ അറിവിന്‍റെ വെളിച്ചത്തില്‍ തെളിയുന്നത് ദൈവമെന്ന എഞ്ചിനീയര്‍ തന്നെയാണ്. അല്ലാതെ പ്രകൃതിയില്‍ ഇക്കാണുന്നതെല്ലാം കേവലം യാദ്രിശ്ചികതയുടെ അക്കൌണ്ടില്‍ നിക്ഷേപ്പിക്കുന്നതാണ് യുക്തി ശൂന്യത.

ബിഗ്‌ ബാങ്ങിനു ശേഷം സെക്കന്റിന്‍റെ  സൂക്ഷ്മമായ അംശത്തിലും ജീവോല്‍പ്പതിയിലും പരിണാമ വികാസങ്ങളിലും സങ്കീര്‍ണ്ണ അവയവങ്ങളുടെ രൂപപ്പെടലിലും എല്ലാത്തിലും  യാദ്രിശ്ചികതയെ മാത്രം കുടിയിരുത്തുന്നത് യുക്തിസഹമാണോ? അതിനു മാത്രം തുടരെ തുടരെ ആവര്‍ത്തിക്കുന്ന ഈ യാദ്രിശ്ചികത ചിന്തനീയമാണോ? ഒരിക്കലുമല്ല. ഏതു ഗണിത ശാസ്ത്ര സാധ്യതകള്‍ എടുത്താലും ഇക്കാര്യം ബോധ്യമാവും. ഇത്തരം സാധ്യതകളുടെ സാധ്യത തീരെ ഇല്ലെന്നു തന്നെ പറയാം. ഏതൊരു വികാസത്തിന് പിന്നിലും യാദ്രിശ്ചികമായ മാറ്റങ്ങളും പ്രകൃതി നിര്‍ദടാരണവുമാണ് എന്ന് വാദിക്കുമ്പോള്‍ അതിനു മാത്രം വിശാലമാണോ ഈ പ്രകൃതി നിര്‍ദ്ദാരണം? നല്‍കപ്പെട്ട നിര്‍വ്വചനങ്ങള്‍ പോലും ഏറെ ദുര്‍ബലമാണ്.

ദൈവത്തെ മനസ്സിലാക്കാന്‍ ഏറെയൊന്നും പണിപ്പെടെണ്ടതില്ല. കണ്‍ മുന്നില്‍ കാണുന്ന സര്‍വ്വ ചരാചരങ്ങളുടെ പിന്നിലും ഒരു ഡിസൈനറെ കാണും. അതിനു സത്യം അറിയാനുള്ള ഒരു മനസ്സു വേണം.


ചിന്തിക്കുന്നവര്‍ക്ക് ദ്രിഷ്ടാന്തമുണ്ട്- ഖുര്‍ആന്‍